The Return of Twilight TROT

Synopsis

Sagittaron

Ang mundo ng Sagittaron ay ang mundo na kinalalagyan ng mga Centaur. Sila ang mga Guardians na tanging hangarin lamang ay protektahan ang kanilang mundo laban sa ibang lahi ng mg Guardians.

May mga tao rin sa mundong ito na tinatawag nilang the Lost Sagittarius. Sila ang mga taong naligaw, at napunta sa Sagitarron. At bilang kabayaran sa pagtanggap ng Centaur sa mga tao ay binibihag nila ito, at ginagawang asawa.

Nagdaan ang maraming panahon, isang babae ang tumakas, at hinanap ang lagusan palabas ng Sagitarron.

Namuhay ang babae nang matiwasay sa mundong kanyang pinagmulan, ang mundo ng mga tao. Hanggang sa isang araw ay nalaman niyang nagdadalang tao siya, gayong wala naman siyang asawa. At isa lang ang tumakbo sa isip niya, ang kanyang nasa sinapupunan ay anak ng isang Centaur.

Nang malaman ang bagay na hindi niya ibig mangyari ay nagpakalayo-layo siya. Alam niya kasi sa panahon na 'yon ay maaaring pinaghahanap na siya ng mga Centaur, at iba pang mga Guardians. Alam niya rin kasi na hindi lamang dugong tao, at Centaur ang nanalaytay sa kanyang magiging anak, kun'di ang dugo ng lahat ng lahi ng mga Guardians.

Naging pala-isipan sa kanya kung paano nangyari 'yon sa kanyang magiging anak. Ngunit isa lang ang alam niya, dahil ito sa isang Supreme Guardian nagpakita sa kanya no'ng hinahanap niya ang lagusan palabas ng Sagittaron. Isang Supreme Guardian na noon pa man ay palagi na niyang nararamdamang nakabuntot sa kanya.

Ngunit nang isilang niya ang isang napakagandang sanggol ay hindi na niya nakayanan, at tuluyang naputol ang hininga.

Sa hindi naman niya nalalaman, isang lahi ng Guardian, isang Fairy Guardian ang noon pa man ay sumusubaybay na rin sa kanya. Kung kaya no'ng namatay siya ay ito ang kumupkop sa anak nito, at nag-alaga. Hanggang sa tuluyan nang humantong sa tamang edad ang bata upang siya na mismo ang gumawa sa kanyang sariling kapalaran.

~ginisamyxx