Chapter 242: Kasalanan Ko

Naging napakatahimik sa loob ng Studio ng Tyrannical Ambition. Kahit na tatlong manlalaro lamang ang naglalaro sa loob ay marami namang nakatayo sa likuran nila at nanood.

Bilang isang Guild Leader ay para nakaramdam ng kahihiyan si Jiang You pagkatapos matalo. Masyadong lumayo sa kanilang inaasahan ang labanang nangyari kanina. Dahil sa tulong ni Zhang Xinjie ay inaasahan nilang mareresolba na nila ang problemang kinakaharap nila sa ika-sampung server na si Lord Grim.

Sa huli ay hindi natapos ang problema, kundi ito ay mas lumala pa. Pagkatapos makaalis sa Field ay pinigilan ni Jiang You ang kaniyang sarili na hampasin ang lamesa. Kasi kahit ano pa ang sabihin ay sumali rin si Zhang Xinjie sa labanang iyon.

Ang umasta na galit ay hindi rin magiging maganda para sa reputasyon ni Zhang Xinjie.