Chapter 430: Palaging Si Mo Ting Ang Unang Prayoridad Ni Tangning

"Qiusheng, mula ngayon, huwag mo nang muling subukan pa si Tangning. Hindi siya madaling kalabanin katulad ng iniisip natin," panghihikayat ni Gu Heng habang nakaupo ito sa may paanan ng kama ng ospital ni Bai Qiusheng. "Nagsiyasat na ako tungkol dito, simula ng ihayag niya ang kanyang pagbabalik bilang modelo at sa pagiging aktres, ang kanyang bawat galaw ay malinis. Siya ay nakakatanggap ng walang katapusang papuri at hindi rin umaasa kay Mo Ting."

Nanatiling tahimik si Bai Qiusheng. Marahil ay dahil hindi pa siya nakakabawi sa takot mula sa nangyari kanina.

Ngayon lamang niya naintindihan kung ano ang pakiramdam ng matakot…

"Magtuon na lamang tayo sa paggawa ng pelikula at hayaan na lamang natin siya, Ok?"

Natigilan ng ilang sandali si Bai Qiusheng, ngunit pagkatapos ay tumango rin ito.