Chapter 190: Chapter One Hundred Ninety
Nagising ako bigla nang may maramdaman akong humila ng buhok ko. Inangat ng taong yon ang mukha ko na kanina ay nakayuko. Agad akong nag-panic, nakagapos ako sa isang upuan at napapaligiran ako ng tatlong lalaki. May takip na tape ang bibig ko kaya hindi ako makasigaw.
"I will let you hear her voice then," sabi ng lalaking mukhang chinese. "Speak!" utos niya sa akin.
Marahas na tinanggal ng isa pang lalaki ang takip sa bibig ko. Itinapat ng lalaking nakahawak sa buhok ko ang cellphone niya. Pinigilan kong pumatak ang luha sa mga mata ko na dala ng sobrang takot.
[Miracle! Are you alright?! Miracle!]
"Timothy!" natatakot na tawag ko sa kanya.
[Are you alright?! Did they hurt you?! I'm coming for you, don't worry!]
"Timothy," napahikbi ako. "I'm scared."
Inalis ng lalaki ang cellphone sa tenga ko. "You hear that, boy? Your precious princess is scared. Hahahaha!"
Ibinalik nila ang takip sa bibig ko. Inalis na rin ng lalaki ang hawak niya sa buhok ko. Tumalikod siya habang kausap si Timothy sa cellphone.
Sino ba sila? Mukha silang chinese na tatlo. May mga nakakatakot na tattoo ang buong braso nila. Ano'ng kailangan nila sa akin? Ano'ng kailangan nila kay Timothy?
"Give me the disk if you want to see her alive. You call the police and she'll be dead. You have..." Tumingin ang lalaki sa kanyang relo. "Forty minutes to do that."
Natapos ang usapan nila ni Timothy. Nag-usap silang tatlo gamit ang lenggwahe nila. Tumingin sa akin ang pinaka-boss nila saka siya ngumiti na nakapag-pataas ng balahibo ko.
May sinabi sya sa dalawa nyang kasama. Yumuko ako at pumikit nang mariin. Sana panaginip lang ito, isang bangungot. Sa muling pagmulat ko nandon parin ako. Nakagapos parin sa likod ko ang mga kamay ko, nakatali sa magkabilang paa ng silya ang mga paa ko.
Disk daw. Ano'ng disk 'yon? Bakit nila ako kailangang dukutin para lang sa isang disk?
Kumunot ang noo ko nang mapansin ang tiles sa sahig. Nakita ko na puro tiles ang sahig pati na rin ang pader. Tumaas ang tingin ko, nasa isa akong swimming pool na walang tubig. Isang olympic swimming pool.
Bumalik ang tingin ko sa kanilang tatlo. Naglalakad na sila palayo, umakyat sila sa metal na hagdan ng pool. Nawala na sila sa paningin ko.
Ano'ng balak nila? Bakit nila ako iniwan sa gitna ng pool? Dito ba nila ako balak itago? Kung hindi ako nagkakamali nasa isa akong school. Isang highschool.
Umihip ang malakas na hangin at bigla akong nanlamig. Nakarinig ako ng malakas na tunog nakaramdam ako ng sobrang takot sa nakita ko.
Napasigaw ako sa kabila ng takip sa bibig ko nang makita na may tubig na lumalabas sa apat na sulok ng pool. Natakot ako nang husto dahil malakas ang agos ng tubig. Hindi magtatagal ay mapupuno ang pool. Kapag nangyari 'yon malulunod ako dito at mamamatay. Naiiyak ako sa sobrang kaba. Ito na ba ang katapusan ko? Oh God! Please… not now. Timothy.
Kyohei Sagara
"FUCK!!!!" Nasuntok ni TOP ang pader sa galit.
Natahimik kaming lahat.
"Kasalanan ko 'to." Naihilamos ni Red ang kamay niya sa mukha niya. Namumutla ang kanyang mukha sa takot. "Ako ang kumuha ng disk sa kanila. Nandoon ang lahat ng files na kailangan natin, lahat ng impormasyon tungkol sa bentahan ng droga. Masyado akong nagmadali."
"Hindi ito ang panahon para magsisihan, kailangan na nating magdesisyon. Pinuno, ano ang plano?" tanong ni Vin.
Nalipat ang tingin naming lahat kay TOP. Nanginginig sa galit ang buong katawan nya.
"Locate them, track them, do everything to know where they've taken her. Give them the fucking disk to save her."
Tumango kaming lahat at sumangayon. Kahit ano ay gagawin namin, mailigtas lang si Samantha.
"Are 'ya insane mate?" galit na tanong ni Uno. "I ain't giving 'ya the disk! I already have it in my hands, I ain't giving them shit!"
"We will give them the disk GD," matigas na sabi ni TOP na puno ng awtoridad.
"Screw you! All this for one girl?!" Tumayo si Uno mula sa pagkakaupo sa sofa.
Mabilis na kinwelyuhan at inangat sa sahig ni TOP si Uno. Nagbabaga ang mga mata ni Pinuno habang nakahinang iyon sa mga mata nito.
"We will give them what they want, whatever they want and you will do nothing but shut your fucking mouth or I swear to your fucking lunatic father I will kill you and send your corpse back to your country with your head missing," madilim na banta ni TOP sa lalaki.
Marahas na binitawan ni TOP si Uno at agad naman itong napasalampak sa sahig. Hawak nito ang leeg habang umuubo.
Lumapit si Jun kay Uno. Kinuha niya ang disk na nakatago sa dibdib ng coat nito.
"Sorry dude pero kailangan maghintay ng mana mo," sabi ni Jun.
"Fuck you!" Lumabas si GD sa apartment.
"Seven, did you trace the call?" tanong ni TOP.
Nasa kusina si Seven katabi si Six. Mula sa sala ay nilapitan namin silang dalawa.
"Nanggaling ang signal mula sa area na ito." Tumingin kaming lahat sa inilatag niyang mapa sa mesa. May binilugan siyang lugar doon.
"Masyadong malawak ang sakop niyan," sabi ni Sun.
"Pero tignan ninyo, may tatlong lugar lang na pwedeng pagtaguan dyan," turo ni Mond.
"Ang gubat ang isa," sagot ko.
"May construction site rin sa lugar na yan, kailangan natin i-check," sabi ni Six.
"Ang isa naman ay isang lumang estasyon ng tren," sabi ni Dos.
"Kailangan nating maghiwahiwalay," suhestyon ni Pip.
"Let's divide the group into four. Sun, Pip and Mond search this area," ani ni Pinuno na nakaturo sa gubat. "Dos and Six you have this area," turo niya sa train station. "Kyo and Jun, check the construction site."
"Ako na ang bahala sa disk," sabi ni Red.
"Seven, Jack, Vin and Omi will be your back-up Red. Send us a message if you find anything."
Kinuha na namin ang mga gamit namin. Naghanda na kaming umalis. Unang umalis sina Sun, Pip at Mond. Sumunod sina Dos at Six.
"I still have to check this area just to be sure," narinig kong bulong ni TOP sa sarili nya. Nakatingin siya sa mapa kung saan may malaking pampublikong eskwelahan.
"Sigurado ka ba na kaya mong mag-isa? Baka mapalaban ka sa pupuntahan mo," tanong ko.
"No, I'll be okay. Go," sagot ni TOP.
Sumunod na akong lumabas kasama si Jun.
"TOP, I'm sorry."
"We will talk later."
Narinig kong usapan nila Red at TOP bago sumara ang pinto. Sana lang mahanap namin nang ligtas si Samantha.
CREATORS' THOUGHTS 
AlesanaMarie
AlesanaMarie Please Vote~ (*u*)
Weekly Power Status
-- Power
Ranking 
-- Power
stone