Aminin na natin na tayo ay alipin ng salapi
Hindi ka makakakita ng isang libo sa daan, hindi din ito hiningi
Sa kumakalam na sikmura, ang solusyon ay salapi
Kumilos ka, ang katamaran ay hindi dapat kinokonsinti.
Bagaman makakaahon ka din
Hindi ka parang isang ibon na pinalaya na nga, bumabalik pa sa kulungan
Hindi ka isang saranggola na walang patutunguhan
Ang pagmamaliit sa iyo ng iba ay may hanggangan.
Totoo ang sinasabi nilang madiskarte ka dapat sa buhay
Ngunit piliin mo munang magpakumbaba bago magtagumpay.
Inihahalintulad tayo sa isang gulong na pinapaikot-ikot
Bubog, putikan, bato-bato ang nakaabang ngunit wala kang dapat ikatakot
Dahil kahit gaano ka man nasira, mananatili kang buo
Kaya maniwala ka lang sa takbo ng kapalaran mo.