Chapter 243: Ang Iligtas si Steamed Bun

Binuksan ni Han Wenqing ang recording na pinatay niya. Sa mga sandaling ito ay itinuon niya ang kamera kay Lord Grim. Pinabilis niya ang pagtakbo ng recording at tanging tinitigil lang ito, para matingnan ng maigi ang armas na dala-dala ni Lord Grim.

Dahil sa maaring magalaw ang kamera sa kahit na anong paraan na gusto ng isang manlalaro, malinaw nilang nakikita ang iba't-ibang anyo ng Myriad Manifestations Umbrella ni Lord Grim.

"Pambihira..." Biglang napasabi si Han Wenqing, sa karanasan niya ay nakakita na siya ng iba't-ibang mga kakaibang armas at istilo ng paglalaro, pero hindi pa siya nakakakita ng isang armas na kagaya ng Myriad Manifestation Umbrella.

"Hindi dapat lumitaw ang ganitong klase ng armas sa bagong server. Pinag-usapan na namin ito ni Jiang You, inakala niya na si Lord Grim ay isang manlalaro na galing sa isang Club na ipinadala rito para masubukan ang lakas ng isang Silver Weapon..."