Chapter 431: Wala Nang Salita Ang Mas Tatamis Pa

Nang makarating si Tangning sa kanilang bahay sa Hyatt Regency, 11:30 na ng gabi.

Para hindi niya magising si Mo ting, dahan – dahan niyang itinulak pabukas ang pinto ng kanilang kwarto at naglakad ng nakayapak papunta sa tabi ng kanilang kama.

Sa ilalim ng liwanag ng buwan, nakita ni Tangning ang ilang mga dokumento sa mga kamay ni Mo Ting habang natutulog ito.

Kumirot ang kanyang puso habang hinihila niya ang mga papel mula sa mga kamay ni Mo Ting at naglagay ng isang bugkos ng pulang rosas sa mesa sa tabi ng kanilang kama.

Hindi nagising si Mo Ting sa ginawang aksyon ni Tangning. Nangako ito na susunduin si Tangning ng maaga kinabukasan, kaya sinubukan ni Mo Ting ang lahat ng kanyang makakaya upang tapusin ang lahat ng kanyang trabaho para naman magkaroon ng isang araw na pahinga kasama ng kanyang asawa. Gayunpaman, hindi niya kailanman inaasahan, sa huling isang oras ng araw na iyon, babalik ito sa kanilang bahay upang makatabi siya.