MY LOVE FROM THE FUTURE

Nagtataka si Chinny kung bakit sa dinami-rami ng mga tao sa mundo ay bakit siya pa ang napadpad at bumalik sa sinaunang panahon ng China.Siya na walang lahi ng pagiging Chinese.Siya na hindi mahilig manuod ng mga palabas ng Chinese at walang alam sa kanilang history.Ang lahat kanyang katanungan ay unti-unting nabigyan ng kasagutan sa paglipas ng mga araw.At kahit ayaw niya ay parang nasasanay na siya sa kanyang bagong mundo lalo na noong nakilala niya si Shin Lou,ang magiting na general na binihag ng mga taong kumupkop sa kanya.

Pinagaling niya ang mga sugat nito at pagkatapos ay tinulungan niya itong makatakas.Isinama siya ni Shin sa pagtakas at dinala sa kaharian kung saan ito nakatira.Sa paglipas ng mga araw ay lumalalim ang nararamdamang pag-ibig ni Chinny kay Shin sa kabila ng pagiging malamig na trato nito sa kanya.Gusto niyang makasama si Shin habambuhay ngunit paano mangyayari iyon gayong magkaiba sila ng oras at mundong kinalakhan?Idagdag pa ang malaking pagkakagusto rito ng dalagang si Aning na anak ng isang general at kababata ni Shin.