Sirviente de sangre I : Playful Destiny

1890. Panahon ng pananakop ng mga Espanyol sa Pilipinas. Ang kanilang lugar ay nahahati sa tatlong linya, ang linya na para sa mga Espanyol, linya para sa mga Indio at ang linya na para sa mga immortal na kung tawagin nila ay mga bampira. Sinasamba ng halos karamihan ang mga bampira mas mataas ang kanilang posisyon noong panahon ng espanyol.
Kristala Fulgencio o mas kilalang Tala ay pumasok sa isang Unibersidad na ekslusibo lamang para sa mga babae para sa isang misyon. Yun ay ang makapasok sa palasyo ng mga bampira at makilala ang batang pinuno nito na si Nicolas.
Nag-umpisa ang kwento nong inutusan ng isang maestro si Kristala na iabot ang mga papel sa itaas na palapag ng Unibersidad. Doon niya unang nakilala si Nicolas ang sinasabing pinakabatang pinuno ng mga bampira. Namatay ang ama nito sa kamay ng mga indio at siya agad ang pinalit. Dahil kung walang pinuno ang mga bampira ang kanilang lahi ay manghihina. Nag-umpisa sa salitang “Binabati kita, ginalit mo ako” at si Kristala ay nagging isang sirviente de sangre. Isang Blood servant. Tagapagbigay ng dugo sa mga bampira dahil hindi sila mabubuhay ng matagal kung tanging dugo lamang ng mga hayop ang kanilang iinumin.
Sa pagpasok ni Kristala sa palacio de vampiro ay marami siyang natuklasan tungkol sa mga bampira. Kumakain pala ito na parang isang tao. May mga bata at pamilya. Nasusugatan din at nanghihina at higit sa lahat marunong din pala silang umibig. Ayon sa mga babaylan at mangbabasa ng kapalaran si Tala ang rason ng panghihina ni Nicolas. Ayon din sa isang matanda, iibig si Kristala sa isang bampira ngunit hindi sa panahong ito uusbong ang kanilang pag-iibigan.