MAHARLIKA: Modernong Katipunero

Ang tawag sa kanila ay mga Hunters, ang mga modernong katipunero ng bansang Pilipinas. Pero ano nga ba talaga sila? Pumapaslang lang ba sila ng mga masasamang nilalang sa dilim para protektahan ang mga inosente?

Ang mga Hunters ay mayroong tinatawag na 8th sense, isang uri ng superhuman ability na ginagamit nilang panlaban sa mga folkloric creatures na naghahasik ng lagim sa kahit na saang parte ng bansa.

Bago pa man tumapak sa delikadong mundo ng mga Hunters ang ating bida, mapupunta muna siya sa isang malagim na uri ng laro, ang death game o tinatawag ng mga Hunters na Awakening Phase.

Dito masusubukan ang kaniyang tatag, tapang, at lakas pati na ang iba pa niyang mga kasama bago tuluyang magising ang natutulog nilang 8th sense.

Mamumulat sila sa bagong mundo na hindi nila inakalang totoo. Mga nilalang na nababasa lang sa mga kuwento at sinasabi ng mga matatanda ay nagkalat at kailangan nilang gamitin ang buong lakas at talino nila para pigilan at puksain ang mga ito upang maprotektahan ang mga kapwa Pilipino.

Mga modernong katipunero, lalaban hindi sa mga mananakop kundi sa mga halimaw na hindi kayang tapatan ng mga ordinaryong tao lamang.